వేసవిలో ఎటువంటి ఆహార పదార్థాలు తీసుకోవాలో తెలుసా..?

summer Special foods

వేసవిలో ఎటువంటి ఆహార పదార్థాలు తీసుకోవాలో తెలుసా..?

వేసవికాలం మొదలవడంతో వాతావరణంలో అనేక మార్పులు చోటు చేసుకుంటాయి. వాతావరణంలో అధిక శాతం ఉష్ణోగ్రతలు నమోదు కావడంతో ఎంతో మంది ఎన్నో ఇబ్బందులకు గురవుతుంటారు. ఈ క్రమంలోనే ఈ వేసవి తాపం నుంచి విముక్తి పొందడం కోసం వివిధ రకాల ఆహార పదార్థాలను తీసుకుంటారు. ఈ విధంగా అధిక ఉష్ణోగ్రతలు నమోదు కావడం వల్ల ఎంతోమంది ఎన్నో అనారోగ్య సమస్యలకు గురవుతుంటారు. ముఖ్యంగా వడదెబ్బ, డీహైడ్రేషన్, వంటి సమస్యలతో ఎంతో మంది సతమతమవుతారు.

వేసవి కాలం మొదలవడంతో అధిక మొత్తంలో చర్మ సమస్యలు కూడా ఎదురవుతాయి. చర్మం పొడిబారడం, చర్మం మొత్తం దద్దుర్లు ఏర్పడడం, ముఖ్యంగా చెమటకాయలు, అధిక మొత్తంలో జుట్టు రాలిపోవడం వంటి సమస్యలు తలెత్తుతుంటాయి.ఈ విధంగా వేసవిలో తలెత్తే ఈ సమస్యలన్నింటిని నుంచి విముక్తి పొందాలంటే ఖచ్చితంగా మన ఆహారంలో మార్పులు చోటుచేసుకోవాలి.వేసవికి అనుగుణంగా కొన్ని రకాల ఆహార పదార్థాలను అధికంగా తీసుకోవడం వల్ల ఈ సమస్య నుంచి పూర్తిగా విముక్తి పొందవచ్చు. మరి వేసవిలో తీసుకోవలసిన ఆహార పదార్థాలు ఏమిటో ఇక్కడ తెలుసుకుందాం…

1) టమాటో:

వేసవి కాలంలో అధిక మొత్తం మన ఆహార పదార్థాలలో భాగంగా టమోటాలను చేర్చుకోవాలి. టమోటాలలో అధిక భాగం యాంటీ ఆక్సిడెంట్లు, విటమిన్ సి ఉంటాయి. అదేవిధంగా టమోటాలలో లైకోపీన్ అనే ఫైటో కెమికల్ మన శరీరంలో ఏర్పడే దీర్ఘకాలిక సమస్యల నుంచి విముక్తి కల్పించడంతోపాటు మన శరీరాన్ని తేమగా ఉంచుతుంది.

2) పుచ్చకాయ:

వేసవి వచ్చిందంటే చాలు మార్కెట్లో మనకు పుచ్చకాయలు దర్శనమిస్తాయి. వేసవి కాలంలో తీసుకోవలసిన ముఖ్యమైన వాటిలో పుచ్చకాయ ముందు వరుసలో ఉంటుంది. అధిక శాతం నీటిని కలిగి ఉండే ఈ పండును తినడం వల్ల మన శరీరం నీటి శాతాన్ని కోల్పోకుండా, మన శరీరాన్ని హైడ్రేట్ చేస్తూ ఉంటుంది. పుచ్చకాయలో కూడా లైకోపిన్ ఉండటం వల్ల చర్మకణాలను అధిక ఎండ ప్రభావం నుంచి కాపాడుతుంది. కనుక వీలైనంత వరకు వేసవి కాలంలో ఎక్కువ భాగం పుచ్చకాయను తీసుకోవాలి.

3) నారింజ:

వేసవి కాలంలో అధిక ఉష్ణోగ్రతల వల్ల మన శరీరం చెమట రూపంలో ఎక్కువ శాతం పొటాషియం కోల్పోతుంది. దీని కారణంగా శరీరం మొత్తం తిమ్మిర్లు ఏర్పడటం వంటి సమస్యలు తలెత్తుతాయి.ఈ సమస్యల నుంచి విముక్తి పొందడానికి తీపి నారింజ ఎంతో ప్రయోజనకరంగా ఉంటుంది. ఇందులో అధిక భాగం పొటాషియం ఉండటం వల్ల మన శరీరానికి కావలసినంత పొటాషియంను అందిస్తుంది. కాబట్టి వేసవి కాలంలో వీలైనంతవరకు తరచూ నారింజ జ్యూస్ తాగటం ఎంతో ఉత్తమం.

4) పెరుగు:

వేసవికాలంలో తీసుకోవలసిన ఆహార పదార్థాలలో పెరుగు ఎంతో ముఖ్యమైనది. క్రమం తప్పకుండా మన ఆహారంలో భాగంగా పెరుగును తీసుకోవడం వల్ల వేసవి తాపం నుంచి విముక్తి పొందవచ్చు. అదేవిధంగా పెరుగు లో ఉన్నటువంటి ప్రోబయోటిక్స్ మన శరీరంలో జీర్ణక్రియను మెరుగుపరచడంలో దోహదం చేస్తాయి. పెరుగులో కొద్దిగా బెల్లం లేదా చక్కెర చేర్చి లస్సిలా తయారు చేసుకొని త్రాగటం వల్ల వేసవి తాపం నుంచి పూర్తిగా ఉపశమనం పొందవచ్చు.

5) దోస కాయలు:

వేసవికాలంలో ఈ పండ్లకు అధిక డిమాండ్ పెరుగుతుంది. దోసకాయలో అధిక భాగం ఫైబర్ ఉంటుంది. ఫైబర్ అధికంగా కలిగిన దోసకాయలను వేసవికాలంలో తీసుకోవటంవల్ల మలబద్దక సమస్య నుంచి పూర్తిగా విముక్తిని కలిగిస్తుంది.అదేవిధంగా దోసకాయ అధిక శాతం నీటిని కలిగి ఉండటం వల్ల మన శరీరం నీటి శాతాన్ని కోల్పోకుండా హైడ్రేట్ చేస్తుంది.

6) కొబ్బరినీళ్లు:

వేసవి కాలంలో తీసుకోవలసిన పానీయాలలో అతి ముఖ్యమైనది కొబ్బరి నీళ్ళు. కొబ్బరి నీటిలో అధికభాగం విటమిన్లు, ఖనిజాలు, పొటాషియం వంటి ఇతర పోషక పదార్థాలు ఉంటాయి. కొబ్బరినీళ్లు అధిక శీతలీకరణ లక్షణాలను కలిగి ఉండటం వల్ల వేసవి తాపం నుంచి మనల్ని రక్షించడానికి కొబ్బరి నీళ్లు ఎంతో ఉపయోగపడతాయి.పలు అధ్యయనాల ప్రకారం కొబ్బరినీళ్లు తరచు త్రాగటం వల్ల క్యాన్సర్ వంటి భయంకరమైన వ్యాధిని నివారించవచ్చని నిపుణులు తెలియజేస్తున్నారు.

7) పుదీనా:

పుదీనా ఎంతో చవకగా లభించే ఆకుకూరలలో ఒకటి.పుదీనాను తరచు ఆహారపదార్థాల్లో భాగంగా చేర్చుకోవడం వల్ల అధిక ఆరోగ్య ప్రయోజనాలను పొందవచ్చు. వేసవికాలంలో ఎక్కువభాగం పుదీనాను తీసుకోవటంవల్ల శరీర ఉష్ణోగ్రతలను చల్లబరచటమే కాకుండా, మనకు రిఫ్రెష్ ప్రభావాన్ని కూడా కలిగిస్తుంది.

8) ఉల్లిపాయలు:

ఉల్లిపాయలో అధిక మొత్తంలో శీతలీకరణ లక్షణాలను కలిగి ఉన్నాయని తెలిస్తే ఎంతో ఆశ్చర్యానికి గురి అవుతారు. అధిక మొత్తంలో శీతలీకరణ లక్షణాలు కలిగి ఉన్న ఉల్లిపాయలను మన ఆహార పదార్థాలలో భాగంగా చేర్చుకోవడం వల్ల వేసవి తాపం నుంచి విముక్తి పొందవచ్చు. ఉల్లిపాయలు అధిక మొత్తంలో క్వెర్సెటిన్‌తో నిండి ఉంటాయి. ఇవి సహజంగా యాంటీ అలర్జీ కారకంగా పనిచేస్తుంది. కనుక క్రమం తప్పకుండా ఉల్లిపాయలను మన ఆహార పదార్థాలలో భాగంగా తీసుకోవటంవల్ల సూర్యరశ్మి నుంచి మనల్ని రక్షించుకోవచ్చు.

9) సున్నం నీరు:

నింబూ పానీ అని పిలువబడే సున్నం నీరు వేసవికాలంలో మనల్ని ఎంతో రీఫ్రెష్ చేయడానికి ఉపయోగపడతాయి. ఒక గ్లాసు సున్నం నీరు అనేక ఆరోగ్య ప్రయోజనాలను కలిగి ఉంటుంది.

10) మామిడి పండ్లు:

వేసవికాలం అంటేనే మామిడిపండ్ల సీజన్. మామిడి పండును పోషకాల రారాజు అని పిలుస్తారు. మామిడి పండులో అధిక భాగం ఐరన్ ,క్యాల్షియం, విటమిన్లు అధిక భాగం ఉండటం వల్ల ఎక్కువగా మామిడి పండ్లను తీసుకోవడం వల్ల వేసవి తాపం నుంచి మనల్ని రక్షించుకోవచ్చు. అదేవిధంగా రోగనిరోధక శక్తిని మెరుగు పరచడంతో పాటు వడదెబ్బను నివారించడంలో మామిడిపండు కీలక పాత్ర పోషిస్తుంది. మామిడి పండును ఐస్క్రీమ్ రూపంలో లేదా జ్యూస్ రూపంలో తీసుకున్నప్పుడు కూడా ఈ విధమైనటువంటి ప్రయోజనాలు కలుగుతాయి.

11) సలాడ్లు:

వేసవి కాలంలో ఎక్కువ ఆహార పదార్థాల కన్నా సలాడ్లను తీసుకోవడం వల్ల ఎన్నో ప్రయోజనాలను పొందవచ్చు. పాలకూర నుంచి మొలకల వరకు ఆకుకూరలలో కెరోటినాయిడ్స్ పుష్కలంగా ఉంటాయి. ఇది మన చర్మానికి హానికరమైన అతినీలలోహిత కిరణాల నుంచి మన చర్మాన్ని రక్షించడంలో దోహదపడుతుంది. ఈ విధమైన సలాడ్లను తయారు చేసుకోవడం కోసం వివిధ రకాల పండ్లు ఆకుకూరలను ఉపయోగించి రుచికరమైన సలాడ్లను తయారు చేసుకుని తీసుకోవటంవల్ల అధిక వేడి నుంచి ఉపశమనం పొందవచ్చు.

12) బెర్రీలు:

వేసవికాలం వచ్చిందంటే చాలు వివిధ రకాల బెర్రీలతో తయారుచేసిన జ్యూస్ తాగడానికి ఇష్టపడుతుంటారు. ఈ విధంగా వివిధ రకాల బెర్రీలతో కలిపి తయారు చేసిన జ్యూస్ లి అధికభాగం ఫ్లేవనాయిడ్లు వుంటాయి. స్ట్రాబెర్రీస్, బ్లూ బెర్రీస్ వంటివి మన శరీరంలో రక్త ప్రవాహాన్ని మెరుగుపరిచి మన చర్మాన్ని పునరుత్పత్తి చేస్తాయి.అదేవిధంగా మన చర్మం ఎంతో సున్నితంగా కాంతివంతంగా తయారవడానికి కూడా బెర్రీ జ్యూస్ ఎంతో సహాయపడుతుంది.

13) ఐసెడ్ టీ:

వేసవి కాలంలో ఒక పొడవైన ఐసెడ్ టీ క్రమం తప్పకుండా తాగటం వల్ల వేసవి తాపం నుంచి మిమ్మల్ని రీ ఫ్రెష్ చేయడంలో దోహదపడుతుంది.ఐసెడ్ టీలో అధికభాగం యాంటీ ఆక్సిడెంట్లు ఉండటం వల్ల ఇది చర్మం వృద్ధాప్యాన్ని తగ్గిస్తుంది. అదేవిధంగా మన శరీరంలో ఖనిజాలను సమతుల్యం చేయటంలో ఈ ఐసెడ్ టీ దోహదపడుతుంది. మన శరీరంలో పేరుకుపోయిన కొలెస్ట్రాల్ స్థాయిలను పూర్తిగా తగ్గించి గుండె సంబంధిత వ్యాధుల నుంచి మనల్ని కాపాడుతుంది.

Leave a Reply

Your email address will not be published. Required fields are marked *